skip to Main Content
Foreldrar Vakniði, Börn Okkar Eiga Bara Eitt Líf

Foreldrar vakniði, börn okkar eiga bara eitt líf

Lögreglan á suðurnesjum var á þriðjudaginn með eftirlit við leikskóla í Reykjanesbæ þar sem þeir stöðvuðu 25-30 ökumenn að athuga með öryggi farþega í bílum. Þar reyndust allt of mörg börn vera ekki í bílbeltum eða viðurkenndum öryggisbúnaði.

Lögreglan hélt áfram sama eftirliti á miðvikudaginn, á tveimur öðrum leikskólum í Reykjanesbæ og stöðvuðu 75 ökumenn. Af þessum 75 ökutækjum voru 7 ekki með börn annað hvort í belti eða öðrum viðurkenndum öryggisbúnaði. Það er 9,33% sem er 9,33% of mikið.

Í gær, fimmtudaginn fór lögreglan á tvo aðra leikskóla í Reykjanesbæ. Á öðrum leikskólanum reyndust foreldrar vera með öryggismálin í topp standi. En á hinum leikskólanum var staðan alls ekki góð.

Þessi færsla er birt á „Lögreglustjórinn á Suðurnesjum“ á Samfélagsmiðlinum Facebook.

Nú bara spyr ég er ekki örugglega komið árið 2019?

Ég er í sjokki yfir þessum niðurstöðum vægast sagt. Þetta vekur upp hjá mér bæði reiði og sorg. Reiði í garð foreldra að hugsa ekki um börnin sín betur en þetta. Í dag árið 2019 eiga foreldrar að vita betur. Börnin okkar eru það dýrmætasta sem við eigum í þessu lífi. Að vanmeta það á þennan hátt er gjörsamlega óskiljanlegt í mínum huga. Það ER óafsakanlegt að vera ekki með börn í bílbeltum eða viðurkenndum öryggisbúnaði við hæfi aldur, hæð og þyngd barns.

Sorg því ég hugsa um börnin. Varnarlausu börnin sem vita ekki betur. Við sem foreldrar eigum að sýna FOKKING ábyrgð (afsaka orðabragðið). Við eigum þessi varnarlausu börn.

Þetta er óafsakanlegt

Það er ekki til nein afsökun sem er gild við því að setja börnin ekki í viðeigandi öryggisbúnað. Það er bara bannað. Alveg eins og það er bannað að keyra fullur eða of hratt sem dæmi.

„Já æji ég hafði ekki tíma“.

Ok hafðiru ekki 30-60 sek í að tryggja öryggi barns þíns? Ég tók tímann í dag þegar ég festi stelpuna mína í bílstólinn hennar. Frá því að við opnuðum bílhurðina og vorum búnar að hjálpast að við að tryggja öryggi hennar (í bílstól með 5 punkta belti) liðu ca 30 sek. þó það væru 5-10 mínótur. Það er ekkert sem getur verið mikilvægara en öryggi barna þinna. Nei ekki heldur afsökunin að vera að verða of seinn í vinnuna, bara stórt NEI.

„En ég á ekki pening fyrir bílstól“

Ok, ekki þá keyra um með barnið þitt í bílnum þá. Labbaðu það kostar ekki neitt. Oftast eru leikskólar barna í hverfinu og ekki langt að rölta. Líf barna er ekki keypt aftur.

Við sem foreldrar eigum að sýna ábyrgð

Það er okkar hlutverk. Alveg eins og það er okkar hlutverk að sinna því að börnin okkar séu fædd og klædd sem dæmi. Ég ætla að vona að þetta eftirlit hjá lögreglu Suðurnesja (sem þeir eiga mikið hrós skilið fyrir) verði uppvakning. Fyrir þá foreldra sem voru ekki með hlutina á hreinu. Sektin er 30 þúsund. Það er hægt að kaupa viðurkenndan öryggisbúnað fyrir hvaða aldur barns sem er, fyrir 30 þúsund. Foreldrar vaknaði.

Ég veit allavega eitt og það er að Amilía Máney dóttir mín er mér mikið meira virði, en allir peningar og tími í allri veröldinni. Ég mun alltaf, hugsa um að tryggja öryggi hennar þegar við setjumst upp í bíl og vona af öllu hjarta að allir aðrir foreldrar geri það sama.

Amilía Máney, dóttir mín.

 

Stöndum saman. Bendum foreldrum á það ef við sjáum að öryggisbúnaður er ekki í lagi. Verum vakandi. Börn okkar eru ekki ódauðleg.

 

 

Back To Top
×Close search
Search